Smart Syllabus 2027 for 9th Class All Subjects – Deleted Topics, Pairing Scheme and Model Papers

Punjab ke 9th class ke students ke liye bari khabar he. Punjab Education, Curriculum, Training and Assessment Authority (PECTAA) ne Smart Syllabus 2027 for 9th Class ka official notification jari kar diya he. Ye notification No. PECTAA/C&C Unit/2026/1238 dated 06 November 2026 ke tehat jari hua he, aur is ki approval PECTAA ki Academics Committee ke 13th meeting me di gayi jo 05 November 2026 ko hua.

Is Smart Syllabus ko Accelerated Learning Programme (ALP) kaha gaya he. Ye Academic Session 2026-27 ke liye he aur BISEs Annual Examination 2027 par laagu hoga. Is ka matlab he ke Punjab ke tamam 9 boards, yani BISE Lahore, Gujranwala, Rawalpindi, Sargodha, Faisalabad, Sahiwal, Multan, Dera Ghazi Khan aur Bahawalpur ke tamam 9th class students ab isi reduced syllabus se tayyari karen ge.

Is post me hum aap ko tamam subjects ke deleted topics chapter wise bata rahe hen, sath har subject ki pairing scheme, paper ke total marks aur model papers ki mukammal tafseel bhi di gayi he, taake aap ko kahin aur jane ki zaroorat na pare.

Note: Agar aap 11th class (1st Year) ke student hen to aap ke liye Smart Syllabus 2027 for 11th Class All Subjects wali post bhi mojood he.

Smart Syllabus (ALP) Kya He?

Smart Syllabus ka matlab he ke textbook ke kuch selected topics aur exercise questions is saal ke syllabus se nikal diye gaye hen, taake students tay shuda waqt me course mukammal kar saken aur asal concepts par behtar focus kar saken. PECTAA ne wazeh tor par kaha he ke ye kami is ehtiyaat se ki gayi he ke students ki learning ka koi nuqsan na ho, topics ka overlap khatam ho aur koi conceptual gap paida na ho.

Sab se ahem baat ye he ke notification me paper setters ke liye lazmi hidayat di gayi he ke board exam ke paper me deleted topics aur deleted questions se koi sawal shamil na kiya jaye. Yani jo topic is list me deleted he, us se objective, subjective ya kisi bhi qisam ka sawal nae aye ga. Students ko chahiye ke wo deleted topics par waqt zaya karne ke bajaye baqi syllabus ki bharpoor tayyari karen.

9th Class Paper Pattern 2027 – Subject Wise Total Marks

Ab hum har subject ke deleted topics tafseel se dekhte hen.

Physics 9th Class Smart Syllabus 2027 – Deleted Topics

Physics ke paper me kul 60 marks hon ge, jin me 12 MCQs aur 48 marks ka subjective hissa hoga. Chapter wise deleted topics ye hen:

• Chapter 1 – Physical Quantities and Measurements: 1.6 Mass Measuring Instruments, 1.7 Time Measuring Instruments, 1.8 Errors in Measurements, 1.10 Uncertainty in a Measurement, 1.12 Precision and Accuracy.
• Chapter 2 – Kinematics: 2.3 Types of Motion, 2.8 Gradient of a Distance-Time Graph, 2.10 Gradient of a Speed-Time Graph.
• Chapter 3 – Dynamics: 3.2 Fundamental Forces, 3.3 Forces in a Free Body Diagram, 3.5 Limitation of Newton’s Laws of Motion, 3.7 Mechanical and Electronic Balances.
• Chapter 4 – Turning Effect of Force: 4.7 Centre of Gravity and Centre of Mass, 4.11 Improvement of Stability, 4.12 Application of Stability in Real Life, aur Rotational Motion versus Translational Motion wala topic.
• Chapter 5 – Work, Energy and Power: 5.4 Sources of Energy, 5.6 Advantages and Disadvantages of Methods of Energy Production.
• Chapter 6 – Mechanical Properties of Matter: Applications of Hooke’s Law, 6.7 Measurement of Atmospheric Pressure, 6.8 Measurement of Pressure by Manometer, aur Activities 6.1 aur 6.6.
• Chapter 7 – Thermal Properties of Matter: 7.1 Kinetic Molecular Theory of Matter, 7.4 Sensitivity, Range and Linearity of Thermometers, 7.5 Structure of a Liquid in Glass Thermometer.
• Chapter 8 – Magnetism: Applications of Permanent Magnets, Magnetic Relay, Telephone Receiver, 8.8 Domain Theory of Magnetism, 8.10 Application of Magnets in Recording Technology, 8.11 Soft Iron as Magnetic Shield.
• Chapter 9 – Nature of Science: 9.4 Interdisciplinary Research, 9.6 Scientific Base of Technology and Engineering.

Is ke ilawa har chapter ki exercise se makhsoos MCQs, short questions, CRQs, comprehensive questions aur numerical problems bhi deleted list me shamil hen, jin ki mukammal tafseel official notification me di gayi he.

Chemistry 9th Class Smart Syllabus 2027 – Deleted Topics

Chemistry ka paper bhi 60 marks ka hoga, 12 objective aur 48 subjective. Is subject me do mukammal chapters deleted hen, jo students ke liye sab se bari relief he:

• Chapter 1 – States of Matter and Phase Change: 1.2 States of Matter, 1.4 Allotropic Forms of Substances, 1.8 Effect of Temperature on the Solubility of Solutes.
• Chapter 2 – Atomic Structure: 2.3 Isotopes and their Masses, jis me Radioactive Isotopes, un ki Applications aur Ionization of Atoms wala hissa shamil he.
• Chapter 3 – Chemical Bonding: 3.6 Compare the Properties of Ionic and Covalent Compounds, 3.8 Nature of Bonding and Properties.
• Chapter 4 – Stoichiometry: Is chapter ke topics barqarar hen, sirf makhsoos exercise questions deleted hen.
• Chapter 5 – Energetics: 5.3 Exothermic and Endothermic Reactions ka akhri hissa (pages 71 to 74) deleted he.
• Chapter 6 – Equilibria: 6.3 Changing the Physical Conditions of a Chemical Reaction.
• Chapter 7 – Acid Base Chemistry: 7.5 Acid Rain and its Effects.
• Chapter 8 – Periodic Table and Periodicity: 8.5 Metallic Character and Reactivity.
• Chapter 9 – Group Properties and Elements: 9.5 Physical Properties of Metals and Non-Metals.
• Chapter 10 – Environmental Chemistry: 10.4 Global Warming (Greenhouse Effect), 10.5 Strategies to Reduce Environmental Issues.
• Chapter 11 – Hydrocarbons: 11.4 Important Reactions.
• Chapter 12 – Empirical Data Collection and Analysis: Mukammal chapter deleted he.
• Chapter 13 – Laboratory and Practical Skills: Mukammal chapter deleted he.

Har chapter ke makhsoos MCQs, short answer questions, CRQs, descriptive questions aur investigative questions bhi deleted list me diye gaye hen.

Biology 9th Class Smart Syllabus 2027 – Deleted Topics

Biology ka paper 60 marks ka hoga, 12 objective aur 48 subjective. Deleted topics ye hen:

• Chapter 1 – The Science of Biology: 1.2 Relation of Biology with Other Sciences, 1.3 Careers in Biology, 1.5 Science as a Collaborative Field, 1.8 Malaria – An Example of Biological Method, aur Key Points.
• Chapter 2 – Biodiversity: Advantages of Classification, History of Classification, makhsoos tables aur boxes, aur Key Points.
• Chapter 3 – The Cell: 3.3 Structural Advantages of Plant and Animal Cells, Division of Labour within and across Cells, makhsoos tables, aur Key Points.
• Chapter 4 – Cell Cycle: 4.4 Comparison between Meiosis and Mitosis, aur Key Points.
• Chapter 5 – Tissues, Organs and Organ System: Emergent Properties, Role of Organ System in Homeostasis, aur Key Points.
• Chapter 6 – Biomolecules: Key Points aur makhsoos exercise questions deleted hen.
• Chapter 7 – Enzymes: Key Points aur makhsoos exercise questions deleted hen.
• Chapter 8 – Bioenergetics: Use of Respiratory Energy in Body, Figure 8.8, makhsoos tables aur Key Points.
• Chapter 9 – Plant Physiology: Roles of Nitrogen and Magnesium, aur Key Points.
• Chapter 10 – Reproduction in Plants: Key Points aur makhsoos exercise questions deleted hen.
• Chapter 11 – Biostatistics: Mukammal chapter deleted he, aur kitab ke akhir me di gayi Glossary bhi completely deleted he.

Mathematics 9th Class Smart Syllabus 2027 – Deleted Topics

Mathematics ka paper 75 marks ka hoga, 15 MCQs aur 60 marks ka subjective hissa, aur paper ka waqt 2 ghante 30 minutes hoga. Math me Unit 8 mukammal tor par excluded he. Unit wise skipped content ye he:

• Unit 1 – Real Numbers: 1.1 Introduction to Real Numbers, 1.3 Applications of Real Numbers in Daily Life (Temperature Conversion aur Profit and Loss ke examples), Exercise 1.3 mukammal.
• Unit 2 – Logarithms: 2.4 Laws of Logarithm ke Examples 12 to 15, Exercise 2.4 mukammal.
• Unit 3 – Sets and Functions: Introduction, 3.1 Mathematics as the Study of Patterns, 3.3 Binary Relations, Relation as Table, Ordered Pair and Graphs, Functions and its Domain and Range, Notation of Function, Linear and Quadratic Functions, Exercise 3.3 mukammal.
• Unit 4 – Factorization and Algebraic Manipulation: 4.4 Square Root of an Algebraic Expression ke Examples 26 aur 27, Real World Problems ke Examples 28 to 30, Exercise 4.4 mukammal.
• Unit 5 – Linear Equations and Inequalities: 5.3 Feasible Solution ka Example 6, 5.3.2 Maximum and Minimum Values ka Example 7, Exercise 5.2 mukammal.
• Unit 6 – Trigonometry: Makhsoos exercise questions, 6.6 The Angle of Elevation and the Angle of Depression ke Examples 19 aur 20, Exercise 6.6 mukammal.
• Unit 7 – Coordinate Geometry: Makhsoos exercise questions, 7.3 Applications of Coordinate Geometry in Real Life Situations ke Examples 14 to 20, Exercise 7.3 mukammal.
• Unit 8 – Logic: Mukammal chapter excluded he.
• Unit 9 – Similar Figures: Makhsoos exercise questions, 9.4 Geometrical Properties of Polygon and their Applications mukammal.
• Unit 10 – Graphs of Functions: 10.2 Exponential Growth and Decay through its Graph (Example 12), 10.2.1 Gradients of Curves by Drawing Tangents (Example 13), 10.2.2 Applications of Graph in Real Life (Examples 14 aur 15), Exercise 10.2 mukammal.
• Unit 11 – Loci and Construction: 11.5.2 Intersection of Loci ke Examples 10 to 12, 11.6 Real Life Application of Loci, Exercise 11.2 mukammal.
• Unit 12 – Information Handling: 12.2.4 Weighted Mean ke Examples 19 aur 20, aur makhsoos exercise questions.
• Unit 13 – Probability: 13.6 Expected Frequency (Example 11), 13.7 Real Life Application on Expected Frequency (Examples 12 aur 13), aur makhsoos exercise questions.

Review exercises ke makhsoos questions bhi har unit ke sath deleted list me diye gaye hen, is liye tayyari se pehle official list zaroor check kar len.

English 9th Class Smart Syllabus 2027 – Deleted Units

English me students ke liye sab se asan surat ye he ke kul 11 units me se 3 units mukammal tor par excluded kar diye gaye hen. Teachers ko hidayat di gayi he ke ye units na parhayen aur students baqi 8 units par mukammal tawajjo den:

• Unit 5 – Women Empowerment through Entrepreneurship (Pages 58 to 71) – Deleted
• Unit 8 – The Impact of Globalisation on Culture and Economy (Pages 93 to 105) – Deleted
• Unit 10 – The Silent Predator (Pages 120 to 131) – Deleted

English ka paper 75 marks ka hoga, jis me objective hissa 19 marks ka he. Objective me correct form of verb ke 5 marks, correct spellings ke 4 marks aur underlined words ke correct meanings ke 5 marks shamil hen, jabke subjective hissa 56 marks ka he jis me translation, poem ki summary, words aur idioms ka jumlon me istemal, letter, story ya dialogue aur comprehension passage shamil hen. Paper setters ke liye lazmi he ke units 5, 8 aur 10 se kisi qisam ka sawal na diya jaye.

Urdu 9th Class Smart Syllabus 2027 – Deleted Lessons

Urdu Lazmi ki darsi kitab se kul 4 asbaq deleted kiye gaye hen, taake students baqi 15 asbaq par tawajjo markooz karke bharpoor tayyari kar saken. Deleted asbaq ye hen:

• Hissa Nasr: Sabaq “Ibtedai Hisab” az Ibn-e-Insha (Safha 69 to 76) – Deleted
• Hissa Nasr: Sabaq “Bheria” az Farooq Sarwar (Safha 86 to 93) – Deleted
• Hissa Nazm: Nazm “Cricket aur Musha’ira” az Dilawar Figar (Safha 111 to 117) – Deleted
• Hissa Ghazal: Khawaja Haider Ali Atish ki ghazal “Man To Sehi Jahan Mein Hai Tera Fasana Kya” (Safha 122 to 126) – Deleted

Urdu ka paper 75 marks ka hoga. Maroozi (objective) hissa 15 MCQs par mushtamil hoga jis ke liye 20 minutes milen ge. In me 7 MCQs hissa nasr se (har sabaq se zyada se zyada aik), 2 hissa nazm se, 1 hissa ghazal se aur 5 qawaid se aye ge, jabke inshai (subjective) hissa 60 marks ka hoga jis ka waqt 2 ghante 10 minutes he. Aik ahem note ye he ke board ke imtehan me musannifeen aur shu’ara ke ta’aruf ke bare me kisi qisam ka sawal nae poocha jaye ga.

Islamiat 9th Class Smart Syllabus 2027 – Deleted Topics

Islamiat Lazmi ki textbook se darj zail abwab ke makhsoos unwanat aur asbaq deleted kiye gaye hen. Asatiza ko hidayat he ke sirf in deleted hison ko chor kar baqi tamam asbaq par tawajjo di jaye:

• Bab Awwal: Ahadith Mubaraka number 3, 6, 7, 12 aur 14 deleted hen.
• Bab Chaharum: Ikhlas o Taqwa, Parda Poshi, Jhoot, Gheebat o Bohtan, Jadoo, Faal aur Tauhum Parasti.
• Bab Panjum: Qasam ke Ahkam o Masail, Islami Riasat.
• Bab Shashum: Sahaba Karam me se Hazrat Amr bin Umayyah, Hazrat Abdullah bin Amr bin Al-Aas aur Hazrat Jabir bin Abdullah; Sahabiyat me se Hazrat Shifa, Hazrat Umm-e-Saleem aur Hazrat Umm-e-Atiyya; Sufia Karam me se Hazrat Abul Qasim Qushayri, Sheikh Fareeduddin Attar aur Hazrat Maulana Abdul Rahman Jami; aur Ulama o Mufakkireen me se Imam Shatibi, Imam Jalaluddin Suyuti aur Ibn-e-Rushd wale hisay deleted hen.
• Bab Haftum: Ye bab mukammal deleted he, jis me Khud Etemadi o Khud Inhisari, Jismani o Zehni Sehat aur Jismani Riyazat, Islam me Mustaqbil ki Mansooba Bandi ki Ahmiyat aur Islami Tehzeeb ke Imtiyazat shamil the.

Islamiat ka salana paper 100 marks ka hoga aur is ke liye 3 ghante ka waqt diya jaye ga. Paper teen hison par mushtamil hoga: Hissa Awwal me 20 marks ke MCQs, Hissa Doem me 40 marks ke mukhtasar sawalat (Sawal 2, 3 aur 4), aur Hissa Soem me Ahadith ka tarjuma (10 marks), Mashaheer par mukhtasar note (10 marks) aur tafseeli sawalat (20 marks) hon ge. Ahadith ke tarjume ke liye Bab Awwal ki 15 muntakhib Ahadith me se 4 di jayen gi jin me se 2 ka tarjuma karna hoga.

Pairing Scheme 2027 9th Class – Ahem Nukaat

PECTAA ne har subject ki pairing scheme bhi isi notification ke sath jari kar di he. Pairing scheme se students ko ye pata chalta he ke paper me kis chapter se kitne MCQs, short questions aur long questions aye ge. Kuch ahem nukaat ye hen:

• Physics me Q-1 ke 12 MCQs me se chapters 3, 4 aur 6 se 2, 2 MCQs aye ge, jabke baqi chapters se 1, 1 MCQ hoga.
• Chemistry me har chapter se 1 MCQ aye ga, sirf Chapter 11 (Hydrocarbons) se 2 MCQs hon ge.
• Biology me chapters 9 aur 10 se 2, 2 MCQs aye ge, baqi chapters se 1, 1 MCQ hoga.
• Mathematics me chapters 3, 4 aur 6 se 2, 2 MCQs aye ge, baqi tamam chapters se 1, 1 MCQ hoga, kul 15 MCQs.
• Science subjects ke subjective hisay me short questions makhsoos chapters ke groups se aye ge, aur 3 long questions me se koi 2 hal karne hon ge.
• Islamiat ke MCQs puri kitab se aye ge: abwab 1, 4, 5 aur 6 se 3, 3 aur abwab 2 aur 3 se 4, 4 MCQs hon ge.

Model Papers 2027 9th Class

Is notification ki sab se mufeed baat ye he ke PECTAA ne har subject ka model paper bhi sath jari kar diya he. Model paper se aap ko paper ka asal pattern, sawalat ki qisam aur marks ki taqseem bilkul wazeh ho jati he. Tayyari ke doran har subject ka model paper kam az kam aik dafa lazmi hal karen, taake imtehan me koi surprise na ho.

Smart Syllabus 2027 PDF Download

Mukammal official notification, jis me tamam subjects ke deleted topics, pairing schemes aur model papers shamil hen, aap yahin se direct download kar sakte hen:

Download Smart Syllabus 2027 9th Class PDF (Complete Notification)

Source: Ye notification PECTAA ki official website pectaa.edu.pk par bhi available he.

Students aur teachers ko chahiye ke tayyari hamesha isi official document ke mutabiq karen, kyunke yahi list tamam Punjab boards ke liye final aur laagu shuda he.

Students Ke Liye Tayyari Ki Tips

• Sab se pehle apni har textbook par deleted topics ko nishan laga len, taake ghalti se un par waqt zaya na ho.
• Baqi syllabus ko pairing scheme ke mutabiq chapters ki ahmiyat dekh kar parhen, jin chapters se zyada sawalat ate hen unhen pehle mukammal karen.
• Har subject ka model paper time laga kar hal karen.
• Exercise ke wo sawalat jo deleted list me nae hen, unhen khaas tor par achi tarah tayyar karen, kyunke paper sirf unhi se bane ga.

FAQs – Smart Syllabus 2027 9th Class

Q1: Kya ye Smart Syllabus tamam Punjab boards ke liye he?
Ji haan. Ye notification pure Punjab ke tamam 9 BISEs ke liye he, jin me Lahore, Rawalpindi, Gujranwala, Faisalabad, Multan, Sahiwal, Sargodha, Bahawalpur aur Dera Ghazi Khan board shamil hen.

Q2: Kya deleted topics se board exam me sawal aye ga?
Nae. PECTAA ne paper setters ko lazmi hidayat di he ke deleted topics aur deleted exercise questions se kisi bhi qisam ka sawal paper me shamil na kiya jaye.

Q3: Smart Syllabus 2027 kis session aur exam ke liye he?
Ye Academic Session 2026-27 ke liye he aur BISEs Annual Examination 2027 par laagu hoga.

Q4: Model papers aur pairing scheme kahan se mile gi?
Pairing schemes aur model papers isi official notification (Annex-A) ka hissa hen aur PECTAA ki official website pectaa.edu.pk par available hen.

Ye thi Smart Syllabus 2027 for 9th Class All Subjects ki mukammal tafseel. Jaise hi 10th class ya deegar classes ke hawale se koi nayi update aye gi, Parho Pakistan par sab se pehle aap ko mil jaye gi.

For More Jobs Follow Whatsapp Channel
https://whatsapp.com/channel/0029VaCNJFk1XqugBkUbJS2A