KP RETP Grant Apply Online – Rs 73,000 Grant for KP Youth at retp.kptevta.gov.pk

ByParho Pakistan

Khyber Pakhtunkhwa ke tamam naujawanon ke liye bari khushkhabri he. KP RETP Grant portal apply online ke liye khol diya gaya he. Government of Khyber Pakhtunkhwa ke flagship project Khyber Pakhtunkhwa Rural Economic Transformation Project (KP-RETP) ke tehat technical taleem yafta naujawan ab online darkhwast jama karke grant hasil kar sakte hen.

Is program ke tehat ahliyat rakhne wale talba o talibat ko apna karobar shuru karne ke liye Rs 73,000 ki grant (startup capital) di jaye gi. Agar aap ne technical ya fanni taleem hasil ki he aur aap ka pass out session 2023 ya us ke baad ka he, to is sunehri mauqe se lazmi faida uthayen.

KP RETP Grant 2026 – Ahem Nukaat

  • Grant ki raqam: Rs 73,000 (apna karobar shuru karne ke liye startup capital)
  • Apply ka tareeqa: Sirf online, official portal ke zariye
  • Apply portal: retp.kptevta.gov.pk
  • Project website: kpretp.gov.pk
  • Selection: Pehle ayen, pehle payen (first come, first served)
  • Khawateen ka quota: Kul share ka 50% khawateen ke liye mukhtas he
  • Ilaqa: Poora Khyber Pakhtunkhwa (All KPK)

KP RETP Grant Kya He?

KP-RETP yani Khyber Pakhtunkhwa Rural Economic Transformation Project, Government of Khyber Pakhtunkhwa ka aik flagship project he jo IFAD ke ishtirak se chalaya ja raha he aur KP-TEVTA ke zariye technical graduates ke liye is grant portal ko khola gaya he. Is project ka maqsad dehi maeshat ki behtari, ghurbat me kami aur naujawanon ke liye rozgar ke naye mauqe paida karna he.

Follow Our Channel

Is program ke do baray hisay hen:

  • Startup Capital for Self-Employment: TVET sector ke pass out naujawanon ko apna chhota karobar ya kaam shuru karne ke liye maali madad (grant) di jati he.
  • Job Market Integration / Induction (OJT): Pass out naujawanon ko job market me induction aur on-the-job training ke mauqe diye jate hen.

KP RETP Grant Eligibility Criteria – Kon Apply Kar Sakta He?

Official portal retp.kptevta.gov.pk ke mutabiq darkhwast dene ke liye darj zail shartein lazmi hen:

  • Darkhwast guzar Khyber Pakhtunkhwa ka domicile rakhta ho.
  • Us ke pas valid CNIC ho.
  • Us ke pas technical taleem ka Degree, Diploma ya Certificate ho, yani Engineering, B.Tech, DAE, DIT ya koi technical certificate.
  • Technical qualification saal 2023 ya us ke baad mukammal ki ho (pass out session 2023 and after).
  • Mard umeedwaron ki umar: 18 se 29 saal.
  • Khawateen umeedwaron ki umar: 18 se 35 saal.
  • Darkhwasten first come, first served ki bunyad par consider ki jayen gi, is liye der na karen.
  • Kul share ka 50% khawateen ke liye mukhtas he.

Note: Medical fitness certificate aur walidain ya sarparast ki razamandi sirf Job Market Induction (OJT) wale hisay ke liye darkaar he, startup capital wali darkhwast ke liye ye shartein laagu nae hen.

KP RETP Grant Apply Online – Tareeqa Kar

Darkhwast jama karne ka mukammal tareeqa ye he:

  • Step 1: Official apply portal retp.kptevta.gov.pk kholen.
  • Step 2: Portal par apni registration karen aur darkhwast form kholen.
  • Step 3: Apni zaati maloomat, CNIC number, domicile aur taleemi tafseel durust darj karen.
  • Step 4: Apna technical certificate, diploma ya degree aur CNIC ki copies upload karen.
  • Step 5: Form ko achi tarah check karke submit kar den aur apni darkhwast ki tafseel mehfooz kar len.

Project ki mazeed maloomat ke liye official website kpretp.gov.pk bhi visit ki ja sakti he.

Zaroori Hidayat – Fraud Se Bachen

  • Darkhwast sirf official portal retp.kptevta.gov.pk par hi jama karen. Kisi ghair official website ya link par apni maloomat na den.
  • Is grant ke liye kisi agent, numainday ya teesre fard ko koi fees ya paisay na den. Darkhwast ka amal official portal ke zariye he.
  • Darkhwast me di gayi tamam maloomat apne asal documents ke mutabiq rakhen. Ghalat maloomat par darkhwast mustarad ho sakti he.
  • First come, first served ki bunyad par selection ho raha he, is liye jo naujawan ahliyat rakhte hen wo jald az jald apply kar len.

FAQs – KP RETP Grant

Q1: KP RETP grant kitni raqam ka he?
Is program ke tehat apna karobar shuru karne ke liye Rs 73,000 ki grant (startup capital) di jaye gi.

Q2: KP RETP grant ke liye kon apply kar sakta he?
Khyber Pakhtunkhwa ke domicile rakhne wale wo naujawan jinhon ne 2023 ya us ke baad technical qualification (Engineering, B.Tech, DAE, DIT ya certificate) mukammal ki ho. Mard umeedwaron ki umar 18 se 29 saal aur khawateen ki umar 18 se 35 saal honi chahiye.

Q3: KP RETP grant apply online kahan karna he?
Darkhwast official portal retp.kptevta.gov.pk par online jama ki jaye gi. Project ki website kpretp.gov.pk he.

Q4: Kya khawateen ke liye koi khaas quota he?
Ji haan. Kul share ka 50% khawateen umeedwaron ke liye mukhtas he, aur khawateen ke liye umar ki had bhi 35 saal tak rakhi gayi he.

Q5: Kya is grant ki koi last date he?
Portal par selection first come, first served ki bunyad par ho raha he, is liye kisi akhri tareekh ka intezar kiye baghair ahliyat rakhne wale naujawan jald apply kar len, taake quota mukammal hone se pehle un ki darkhwast shamil ho jaye.

Ye thi KP RETP Grant apply online ki mukammal tafseel. Khyber Pakhtunkhwa ke tamam mustahiq naujawan is mauqe se faida uthayen aur ye maloomat apne doston aur groups me lazmi share karen, taake koi mustahiq naujawan is grant se mehroom na reh jaye.

For More Jobs Follow Whatsapp Channel
https://whatsapp.com/channel/0029VaCNJFk1XqugBkUbJS2A

Similar Posts